No Ania ti Ibagayo Maipapan Kadagiti Magasin

Ti Pagwanawanan Set. 15

“Dagiti tattao iti intero a lubong nangnangngegdan ti maipapan ken ni Jesu-Kristo. Adda dagiti agkuna nga isu ket maysa laeng a naisangsangayan a tao. Dadduma ti mangdaydayaw kenkuana kas Mannakabalin-amin a Dios. Iti panagkunayo, siasino ni Jesu-Kristo? [Palubosanyo a sumungbat.] Ilawlawag daytoy a magasin no siasino a talaga ni Jesus, no sadino ti naggapuanna, ken no sadino ti ayanna itan.” Basaenyo ti Juan 17:3.

Agriingkayo! Set. 22

“Adu a tattao ti di makabael a maaddaan iti desente a pagtaengan. Iti panagkunayo, dumtengto ngata ti aldaw a tunggal maysa ket maaddaan iti maitutop a pagtaengan? [Palubosanyo a sumungbat.] Itampok daytoy nga isyu ti Agriingkayo! ti kabaruan a report maipapan iti kinakurang dagiti maitutop a pagtaengan. Ipakitana pay no apay a makapagtalektayo a matungpalto daytoy a kari ti Dios.” Basaenyo ti Isaias 65:21, 22.

Ti Pagwanawanan Okt. 1

Basaenyo ti saludsod iti akkub sa iyimtuodyo: “Ammoyo kadi no ania a pagilasinan ti tuktukoyen daytoy? [Palubosanyo a sumungbat sa basaenyo ti Mateo 24:3.] Daytoy nga isyu Ti Pagwanawanan usigenna ti lima a kangrunaan nga aspeto ti pagilasinan ken ilawlawagna no apay a nasken a bigbigentayo dayta.” Ipakitayo ti kahon iti panid 6.

Agriingkayo! Okt. 8

“Ti nalabes a panaginum ket pakaigapuan ti adu a parikut. Ipakita daytoy a magasin no ania ti epekto ti alkohol iti bagi. [Ipakitayo ti ladawan iti panid 7.] Ilawlawag dagitoy nga artikulo no kasano a maisardeng dagiti tattao ti nalabes a panaginum ken no ania ti maaramidan dagiti sabsabali tapno makatulongda.”