No Ania ti Ibaga No Itukon Dagiti Magasin

Ti Pagwanawanan Oktubre 1

“Adu a tattao ita ti saanen a mamati nga adda Namarsua. Ania ti pagarupenyo a makagapu? [Palubosanyo a sumungbat.] Mabasa kadagitoy a bersikulo ti maysa a posible a rason. [Basaen ti Habakuk 1:2, 3.] Sungbatan daytoy nga artikulo ti sumagmamano a gagangay a saludsod a nangpakapuy iti pammati dagiti tattao maipapan iti Dios.” Itampok ti artikulo a mangrugi iti panid 11.

Agriingkayo! Oktubre

“Umanamongkayo kadi nga adu a pamilia ita ti maipaspasango kadagiti nadumaduma a problema? [Palubosanyo a sumungbat.] Adu ti saan a makaammo iti praktikal a balakad a masarakan iti Biblia. Daytoy ti maysa a pagarigan. [Ibasa ti maysa a teksto a masarakan iti magasin.] Daytoy nga espesial a ruar ti Agriingkayo! ipakitana no kasano a dagiti prinsipio iti Biblia matulonganna dagiti pamilia a mangdaer kadagiti nagduduma a kasasaad.”

Ti Pagwanawanan Nobiembre 1

“Amin ngata a maisursuro iti simbaan ket naibatay iti Biblia? [Palubosanyo a sumungbat.] Ti Biblia pakdaarannatayo nga agannad tapno saantayo a maallilaw kadagiti ulbod a sursuro. [Basaen ti Colosas 2:8.] Daytoy a magasin ipakitana dagiti innem a tradisional a sursuro a maikontra iti Sao ti Dios.”

Agriingkayo! Nobiembre

“Gagangay itan dagiti alikamen a kas iti selpon ken kompiuter. Iti panagkunayo makasalimetmet ngata dagitoy iti tiempo wenno mangsayang laeng iti oras? [Palubosanyo a sumungbat.] Umanamong ti kaaduan iti pammaregta a masarakan iti Biblia maipapan iti panangusar a nainsiriban iti tiempotayo. [Basaen ti Efeso 5:15, 16.] Ilawlawag daytoy a magasin no kasanotayo nga usaren ti teknolohia iti natimbeng a pamay-an.”