Naitampok ti Panagdaydayaw ti Pamilia iti 2011 Calendar
Ti tema ti 2011 Calendar of Jehovah’s Witnesses ket Panagdaydayaw ti Pamilia. Naitampok iti kalendario dagiti pamilia iti moderno nga aldaw ken dagiti pamilia idi panawen ti Biblia. Naipakita pay dagiti agassawa ken dagiti awanan asawa nga adipen ni Jehova nga agad-adal iti Saona.
Dagiti karakter iti Biblia a naipakita iti kalendario pagragsakanda ti linteg ni Jehova. Nakatulong daytoy tapno masarangetda dagiti nagpaiduma a karit a pakaipaspasanguanda. (Sal. 1:2, 3) Bayat nga usigentayo ti tunggal ladawan iti kalendario, maipalagip kadatayo ti kinapateg ti Panagdaydayaw ti Pamilia, uray no ti pamiliatayo ket dakkel wenno bassit, agkakarelihionan wenno saan. Adda espasio iti kalendario tapno maisuratyo ti aldaw a nailatang para iti sangapamiliaan a panagdaydayawyo. Nasuratanyo kadin dayta?