Pagtuladan a Presentasion

Panangirugi iti Panagadal iti Biblia iti Umuna a Sabado iti Hunio

“Amintayo ket natayanen iti kapamilia wenno gagayyem. Makitayonto ngata manen ida? [Palubosanyo a sumungbat.] Imutektekanyo daytoy a makaliwliwa a sasao.” Basaen ken pagsaritaanyo ti material iti babaen ti umuna a subtitulo iti panid 16 ti Hunio 1 a ruar Ti Pagwanawanan ken ti maysa kadagiti naisitar a teksto. Itukonyo ti magasin ken ibagayo nga agsublikayto tapno usigenyo ti sungbat ti sumaruno a saludsod.

Ti Pagwanawanan Hunio 1

“Adu kadatayo ti mangyan-anay iti masapulanna, ken adda met dagidiay saan a makabael a manggatang kadagiti kasapulanda iti biag. Iti panagkunayo, dumtengto ngata ti panawen nga awanton ti napanglaw? [Palubosanyo a sumungbat sa basaenyo ti Salmo 9:18.] Ilawlawag daytoy a magasin dagiti pakaigapuan ti kinapanglaw ken no ania ti kuna ti Biblia a napaypayso a solusion daytoy a problema.”

Agriingkayo! Hunio

“Nakasaksaknap ita ti terorismo. Iti panagkunayo, ania ti makagapu iti daytoy? [Palubosanyo a sumungbat.] Dagitoy a sasao iti Biblia ket mangted kadatayo iti namnama. [Basaenyo ti Salmo 72:7, 14.] Ilawlawag daytoy a magasin ti sumagmamano a makagapu iti terorismo ken no ania ti kuna ti Biblia maipapan iti no kasano ken kaano nga agpatingga ti terorismo.”