Pagtuladan a Presentasion

Panangirugi iti Panangyadal iti Biblia iti Umuna a Sabado iti Hunio

Basaenyo ti Isaias 42:8 sa ibagayo: “Sigun ditoy, adda nagan ti Dios. Iti panagkunayo, napateg kadi nga usarentayo ti nagan ti Dios? [Palubosanyo a sumungbat.] Imutektekanyo daytoy.” Itedyo iti bumalay ti Hunio 1 a Pagwanawanan, sa usigenyo a dua ti material iti babaen ti subtitulo iti panid 16. Ipaimayo dagiti magasin sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Hunio 1

“Kayatko a maammuan ti opinionyo iti daytoy a napateg a topiko. [Ukagenyo ti panid 3, sa ipakitayo ti listaan.] Ania kadagitoy ti umasping iti panangmatmatyo iti Biblia? [Palubosanyo a sumungbat.] Imutektekanyo no ania ti kuna a mismo ti Biblia. [Basaenyo ti Roma 15:4.] Ilawlawag daytoy a magasin ti lima a rason no apay a naisangsangayan a libro ti Biblia ken no kasanotayo a magunggonaan iti dayta.”

Agriingkayo! Hunio

“Tinawen nga adu ti agsaksakit gapu iti pannanganda iti saan a natalged a taraon. Iti panagkunayo, natalged ngata ti taraon iti komunidadtayo? [Palubosanyo a sumungbat.] Ilawlawag daytoy a magasin ti uppat a pamay-an a masalakniban ti pamiliatayo manipud iti sakit a maala iti kontaminado a taraon. Ilawlawagna pay ti kari ti Biblia nga asidegen a matagiragsaktayo ti aglaplapusanan a nasustansia a taraon.” Basaenyo ti Salmo 104:14, 15.