Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • km 7/12 pp. 2-3
  • Tulonganyo Dagiti Tattao nga Umimdeng iti Dios

Awan video-na ti napilim.

Pasensiakan, adda problema iti pannakai-load ti video.

  • Tulonganyo Dagiti Tattao nga Umimdeng iti Dios
  • Ti Ministeriotayo iti Pagarian—2012
  • Umasping a Material
  • No Kasano nga Usaren ti Umimdengka iti Dios ket Agbiagka nga Agnanayon
    Panagbiag ken Ministeriotayo kas Kristiano—Workbook iti Gimong—2017
  • Aramatenyo Dagiti Broshur a Mangiranud iti Namnama ti Pagarian
    Ti Ministeriotayo iti Pagarian—1992
  • No Kasano nga Usaren ti Naimbag a Damag Manipud iti Dios!
    Ti Ministeriotayo iti Pagarian—2013
  • Usaren Dagiti Nagduduma a Broshur iti Ministerioyo
    Ti Ministeriotayo iti Pagarian—1995
Kitaen ti Ad-adu Pay
Ti Ministeriotayo iti Pagarian—2012
km 7/12 pp. 2-3

Tulonganyo Dagiti Tattao nga Umimdeng iti Dios

1. Ania dagiti broshur a nairuar iti ‘Umay Koma ti Pagarian ti Dios!’ a Kombension Distrito, ken apay a nakapatpateg nga alikamen dagita?

1 Iti ‘Umay Koma ti Pagarian ti Dios!’ a Kombension Distrito, nairuar ti dua a baro a broshur a napauluan, Umimdengka iti Dios ket Agbiagka nga Agnanayon ken ti napasimple a bersionna a Listen to God. Gapu ta bassit laeng a sasao ti nausar iti dayta, alisto ken nalaka laeng nga ipatarus. Kinapudnona, ti Umimdengka iti Dios ket Agbiagka nga Agnanayon ket naaprobaran a maipatarus iti 431 a lenguahe apaman a nairuar dayta iti Ingles.

2. Siasino dagiti magunggonaan kadagitoy a broshur?

2 Siasino ti nangnangruna a magunggonaan kadagitoy a broshur? Usigentayo dagiti sumaganad a situasion a masansan a tumaud iti intero a lubong:

• Ti agibumbunannag kaskasabaanna ti bumalay, iti man damo a pannakisarita wenno iti panagsarungkar, ket madlawna a nakapuy wenno saan nga ammo ti bumalay ti agbasa ken agsurat.

• Ti agibumbunannag kaskasabaanna dagiti tattao nga agsasao iti lenguahe a manmano wenno awan ti publikasion a naipatarus iti dayta. Wenno ti kaaduan a tattao iti teritoria ket saan a makabasa iti lenguahe nga us-usarenda.

• Ti agibumbunannag ket agus-usar iti sign language a mangasaba kadagiti tuleng iti teritoriada.

• Ti maysa a nagannak kayatna nga isuro ti kinapudno iti ubing pay nga anakna a saan pay a makabasa.

3. Kasano ti pannakadisenio ti Listen to God?

3 No Kasano ti Pannakadisenio Dagiti Broshur: Bassit laeng a sasao ti nausar iti Listen to God. Gagangay a simple laeng a sentensia ken teksto ti naikabil iti baba ti tunggal panid a mangitampok kadagiti kangrunaan a punto. Apay? Panunotem nga adda mangted kenka iti broshur a naisurat iti lenguahe a saanmo a maawatan, nalabit naisurat dayta kadagiti letra a saanmo nga ammo a basaen. Magustuam kadi dayta, uray no naglaon kadagiti agkakapintas a ladawan? Nalabit saan. Umasping iti dayta, dagiti tattao a saan a makabasa ket saan nga aginteres kadagiti publikasion a naglaon iti adu a sasao. Gapuna, ti tunggal panid ket naglaon kadagiti ilustrasion a naisagana a naimbag ken addaan kadagiti arrow a mangipakita iti panagsasaganad dagiti ilustrasion.

4. Kasano a nadisenio ti Umimdengka iti Dios ket Agbiagka nga Agnanayon?

4 Agpada dagiti ilustrasion a nausar iti Umimdengka iti Dios ket Agbiagka nga Agnanayon ken ti Listen to God. Nairanta daytoy a pangyadal kadagiti tattao a nakapuy wenno agsursuro pay laeng nga agbasa. Mabalin met nga usaren ti agibumbunannag daytoy a broshur no iyadalanna ti maysa a tao babaen ti broshur a Listen to God. Iti makinngato a kannigid ti tunggal leksion a dua ti panidna, adda saludsod a masungbatan kadagita a panid. Adda dagiti komento ken naisitar a teksto a naikabil kadagiti ilustrasion. Iti makimbaba a paset ti kaaduan a panid, adda kahon a naglaon iti sumagmamano a kanayonan a punto ken naisitar a teksto a mabalin a mausig, depende iti abilidad ti estudiante.

5. Kaano ken kasanotayo nga itukon dagiti broshur?

5 No Kasano nga Usaren Dagitoy: No mangasabakayo iti binalaybalay, mabalinyo nga itukon ti aniaman kadagitoy a broshur no iti panagriknayo ket makagunggona dayta, uray no saan a dagiti broshur ti itukontayo iti dayta a bulan. (Kitaenyo ti kahon a “No Kasano nga Itukon Dagitoy.”) Mabalinyo nga itukon daytoy iti panagsarungkaryo babaen ti panangibagayo iti interesado a tao nga adda kayatyo nga ipakita kenkuana sa itedyo ti broshur.

6. Kasanotayo nga ikondukta ti panangyadal iti Biblia babaen kadagitoy a broshur?

6 Yantangay awan dagiti nakaimprenta a saludsod iti Listen to God, ti panangyadalyo iti daytoy ket saan a babaen ti saludsod ken sungbat a kas iti ar-aramidenyo no mangyadalkayo iti libro nga Isursuro ti Biblia. Aniaman ti kultura dagiti tattao, kaay-ayoda ti dumngeg iti estoria. Gapuna, usarenyo dagiti ilustrasion a mangilawlawag kadagiti naipaltiing nga estoria a nailanad iti Biblia. Ilawlawagyo a sigaganaygay dagiti ladawan. Saludsodenyo no ania ti makuna ti iyad-adalanyo. Basaenyo ti teksto iti baba ti panid sa ilawlawagyo dayta kenkuana. Mangibangonkayo kadagiti saludsod tapno mairamanyo ti iyad-adalanyo iti saritaan ken tapno masiguradoyo a natarusanna dayta. No ti Umimdengka iti Dios ket Agbiagka nga Agnanayon ti us-usarenna, basaenyo a dua ti sentensia ken dagiti teksto no pagsaritaanyo ti tunggal ilustrasion.

7. Kasanotayo a matulongan ti iyad-adalantayo iti Biblia a rumang-ay?

7 Tulonganyo ti Iyad-adalanyo a Rumang-ay: Iti panagadalyo, sapay koma ta maaddaan ti iyad-adalanyo iti tarigagay nga agsursuro nga agbasa tapno magun-odna ti pannakaammo maipapan ken Jehova a bukbukodna. (Mat. 5:3; Juan 17:3) Isu a no ti Listen to God ti us-usarenyo a mangyadal, ket iti panagkunayo ket nakasaganan ti estudiante, mabalinyo a suruan nga agbasa, sa usarenyon ti Umimdengka iti Dios ket Agbiagka nga Agnanayon iti panagadalyo. Aniaman ti usarenyo a broshur, saan pay a nakasagana ti estudiante nga agpabautisar uray pay no nalpasyon nga adalen ti broshur. Masapul nga iyadalyo ti libro nga Isursuro ti Biblia wenno ti sabali pay a maitutop a publikasion a mangted kenkuana iti nalawlawag a pannakaawat maipapan iti Biblia.

8. Apay nga agyamankayo ta adda dagitoy a baro nga alikamen nga usarenyo iti ministerio?

8 Masapul nga imdengan dagiti tattao ti Soberano iti uniberso tapno agbiagda nga agnanayon. (Isa. 55:3) Ken pagayatan ni Jehova nga “amin a kita ti tattao,” agraman dagidiay saanna nga ammo ti agbasa, ket masursuroda ti umimdeng kenkuana. (1 Tim. 2:3, 4) Anian a yamantayo ta adda dagitoy a baro nga alikamen a mabalintayo nga usaren a mangisuro kadagiti tattao nga umimdeng iti Dios!

[Kahon iti panid 3]

No Kasano nga Itukon Dagitoy

Ipakitayo iti bumalay ti panid 2-3 sa kunaenyo: “Kayatyo kadi ti agbiag iti lubong a kas iti daytoy? [Palubosanyo a sumungbat.] Ikarkari ti Biblia [wenno, ikarkari daytoy a nasantuan a libro] a daytoy a lubong ket mabiiten nga aramiden ti Dios a napintas, natalna a lugar ken awan ti marigrigat wenno masaksakit. Imutektekanyo no ania ti aramidenyo tapno makapagnaedtayo sadiay. [Basaenyo ti Isaias 55:3, a naisitar iti ngato ti panid 3.] Kunana ditoy nga umadanitayo iti Dios ken ‘umimdengtayo’ kenkuana. Ngem kasanotayo nga umimdeng iti Dios?” Ukagenyo ti panid 4-5 sa ilawlawagyo ti sungbat kenkuana. No awan ti panawenna, itedyo kenkuana ti broshur sa ibagayo nga agsublikayto tapno pagsaritaanyo ti sungbat.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share