Pagtuladan a Presentasion

Panangirugi iti Panangyadal iti Biblia iti Umuna a Sabado iti Enero

“Kayatmi a maammuan ti opinionyo. Ania ti ammoyo a personal a nagan ti Dios? [Palubosanyo a sumungbat.] Panunotenyo ti mabasatayo ditoy.” Itedyo iti bumalay ti Enero 1 a Pagwanawanan sa ipakitayo ti artikulo iti makinlikud nga akkub, ken usigenyo ti material iti babaen ti umuna a subtitulo ken uray maysa laeng kadagiti naisitar a teksto. Ipaimayo dagiti magasin, sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Enero 1

“Pagsasaritaan ti adu a tattao ti maipapan iti panungpalan ti lubong. Iti panagkunayo, rumbeng kadi a pagbutngantayo daytoy? [Palubosanyo a sumungbat.] Sigun iti daytoy, addanto dagiti makalasat. [Basaenyo ti 1 Juan 2:17.] Ipakita daytoy a magasin ti sungbat ti Biblia iti uppat a gagangay a saludsod maipapan iti panungpalan ti lubong.”

Agriingkayo! Enero

“Simmarungkarkami ta adda napateg nga impormasion a kayatmi nga iranud kadagiti pamilia. Iti panagkunayo, napateg kadi nga iyaplikar dagiti pamilia dagitoy a sasao ni Jesus? [Basaenyo ti Aramid 20:35b sa palubosanyo a sumungbat.] Talaga a narigat nga isuro dagiti ubbing nga agbalin a nasingpet iti daytoy managimbubukodan a lubong. Ipakita daytoy nga artikulo ti sumagmamano a praktikal a pamay-an a tumulong kadagiti nagannak a mangpadakkel kadagiti annakda a nasingpet.”