Ti Opisial a Web Site-tayo—Usarenyo iti Personal ken Sangapamiliaan a Panagadal
Basaen ti Kabaruan a Magasin Online: Basaen online Ti Pagwanawanan ken Agriingkayo! sumagmamano a lawas sakbay a maawat ti kongregasion dagiti nayimprenta a kopia dagitoy. Denggen ti audio recordings dagiti magasin.—Mapankayo iti “Publikasion/Magasin.”
Basaen ti Material a Maikabil Laeng iti Web Site: Maikabil laengen iti Web site-tayo ti sumagmamano a material a kas iti “Para Kadagiti Agtutubo,” “Dagiti Masursurok iti Biblia,” “Adalen ti Pamilia,” ken ti “Saludsod Dagiti Agtutubo.” Luktanyo ti internet ken usigenyo ti sumagmamano kadagitoy a material bayat ti personal ken sangapamiliaan a panagadalyo.—Mapankayo iti “Pannursuro ti Biblia/Ubbing” wenno “Pannursuro ti Biblia/Tin-edyer.”
Ammuen ti Kaudian a Damag: Basaenyo dagiti makaparegta a report ken kapadasan ken buyaenyo dagiti video clips a mangitampok iti panagrang-ay ti trabahotayo iti intero a lubong. Dagiti report maipapan iti didigra ken pannakaidadanes ket tumulong kadatayo nga agbalin nga espesipiko kadagiti kararagtayo maipapan kadagiti kakabsat nga apektado kadagita. (Sant. 5:16)—Mapankayo iti “News.”
Agsukimat Babaen ti Online a Libraria: No daytoy a feature ket magun-odan iti lengguaheyo, usarenyo ti kompiuter wenno mobile device a mangbasa online iti teksto iti inaldaw wenno agsukimat iti sumagmamano kadagiti kabaruan a publikasiontayo.—Mapankayo iti “Publikasion/Online a Libraria,” wenno i-type ti www.wol.jw.org iti address field ti browser ti kompiuteryo.
[Diagram iti panid 4]
(Para iti aktual a pannakaurnosna, kitaem ti publikasion)
Padasem
1 I-click-mo ti ladawan wenno ti link nga “I-download-mo daytoy.” Agparang ti ladawan iti PDF format. Iyimprentam daytoy ken usarem a mangisuro iti anakmo.
2 I-click-mo ti “Play” tapno mabuyam ti video.