Pagtuladan a Presentasion
Panangirugi iti Panangyadal iti Biblia iti Umuna a Sabado iti Hulio
“Iti panagkunayo, ania ti rikna ti Dios kadagiti kararagtayo? Napateg ngata kenkuana wenno basta dengdenggenna laeng?” Palubosanyo a sumungbat. Ipakitayo ti makinlikud nga akkub ti Hulio 1 a Pagwanawanan, ken usigenyo ti material iti babaen ti umuna a saludsod ken ti uray maysa laeng kadagiti naisitar a teksto. Itukonyo dagiti magasin, ken ibagayo nga agsublikayto tapno pagsaritaanyo ti sumaruno a saludsod.
Ti Pagwanawanan Hulio 1
“Yantangay ti Dios ket mannakabalin-amin, panagkunayo isu kadi ti mapabasol iti amin a kinadakes a mapaspasamak iti lubong? [Palubosanyo a sumungbat sa basaenyo ti Santiago 1:13.] Ilawlawag daytoy a magasin no apay a mapaspasamak ti kinadakes ken no anianto ti aramiden ti Dios tapno agpatingga ti kinadakes ken panagsagaba.”
Agriingkayo! Hulio
“Dandani amintayo ket nakapasaren iti trahedia kas iti natural a kalamidad, makapapatay a sakit, wenno ipapatay ti maysa a patpatgentayo. Iti panagkunayo, no mapasamak dagitoy, napateg ngata a taginayonen ti positibo a kababalin? [Palubosanyo a sumungbat.] Napaneknekan ti adu a tattao a makatulong ti Biblia tapno madaeranda dagiti trahedia. [Basaenyo ti Roma 15:4.] Ilawlawag daytoy a magasin no kasano a makatulong ti Biblia no makapasartayo iti trahedia.”