Pagtuladan a Presentasion

Panangirugi iti Panangyadal iti Biblia iti Umuna a Sabado iti Hulio

“Kadagiti kallabes a tawen, umad-adu dagiti interesado kadagiti anghel. Iti panagkunayo, talaga kadi nga adda anghel? [Palubosanyo a sumungbat.] Imutektekanyo ti kuna daytoy a magasin.” Itedyo iti bumalay ti Hulio 1 a Pagwanawanan sa usigenyo ti material iti babaen ti umuna a subtitulo iti panid 16 ken ti uray maysa laeng a teksto. Ipaimayo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Ti Pagwanawanan Hulio 1

Basaenyo ti Salmo 65:2 sa kunaenyo: “Adu ti umanamong a ti Dios ket ‘Managdengngeg iti kararag,’ ken inaldaw nga agkarkararagda. Ngem pampanunoten dagiti dadduma, ‘No talaga nga adda Dios, apay a nakaad-adu ti problema ditoy lubong?’ Ania ti makunayo? Talaga kadi nga adda Dios a dumdumngeg kadagiti kararagtayo? [Palubosanyo a sumungbat.] Ilawlawag daytoy a magasin ti sungbat ti Biblia iti daytoy a saludsod: ‘Apay a ti Managdengngeg iti kararag ipalpalubosna ti panagsagaba?’”

Agriingkayo! Hulio

“No adda pannakabalinmo a mangbalbaliw iti maysa a banag ditoy lubong, ania ti kayatmo a balbaliwan? [Palubosanyo a sumungbat.] Ipakita ti Biblia no apay a limitado ti kabaelan nga aramiden dagiti tattao. [Basaenyo ti Jeremias 10:23.] Ilawlawag daytoy a magasin no anianto dagiti balbaliwan ti Dios.”