Panangparang-ay iti Abilidadtayo iti Ministerio—Panangirugi iti Saritaan Tapno Makakasaba iti Di Pormal

No Apay a Napateg: Iti panangasaba iti binalaybalay, masansan nga adu ti saantayo a madandanon iti balayda. Ngem mabalin a makasaritatayo ida bayat nga agbibiahetayo, agur-uraytayo iti klinika ti doktor, agin-inanatayo iti trabaho wenno iti eskuelaan, ken dadduma pay. Pagayatan ni Jehova a maammuan ti amin ti mensahe maipapan iti Pagarian. (1 Tim. 2:3, 4) Kasapulan laeng a datayo ti umuna a makisarita tapno makakasabatayo.