Iranudyo Dagiti “Naimbag a Banag” Babaen ti Panagbalin a Managpadagus (Mat. 12:35a)

Awan duadua a kayattayo amin nga iranud dagiti “naimbag a banag” babaen ti “kinamanagpadagus.” (Roma 12:13) Naibilin kadagiti panglakayen nga isuda ti mangyurnos iti pannakasangaili dagiti bumisbisita nga ispiker ken iti pannakaisubli ti pleteda. Nupay kasta, mabalin nga agkedkedtayo nga agpadagus gapu ta awan mabalbalintayo, wenno ibaintayo ti balaytayo. Maparmektayo ti kasta a rikna no ipapusotayo ti balakad ni Jesus ken Marta. (Luc. 10:39-42) Impaganetgetna a ti “naimbag a bingay” iti panagpadagus ket ti panaglalangen ken panagpipinnaregta, saan a ti nalabor a taraon wenno napintas a dekorasion ti balay. No iyaplikartayo daytoy a balakad, makairanudtayo amin “kadagiti naimbag a banag” kadagiti kakabsattayo sigun iti Sao ti Dios.—3 Juan 5-8.