“Sagut a Maipaay ken Jehova”

Kasanotayo a ‘punnuen ti imatayo ita iti sagut a maipaay ken Jehova’? (1Cr 29:5, 9, 14) Makita iti baba ti nagduduma a pamay-an ti panagdonar a mabalin a pagpiliantayo tapno masuportaran ti trabaho dagiti Saksi ni Jehova iti lugartayo ken iti intero a lubong.

DAGITI DONASION ONLINE WENNO DAGITI MAITINNAG ITI KAHON TI KONTRIBUSION SUPORTARANDA:

• 

  TI SANGALUBONGAN A TRABAHO

  pannakaibangon ken paggastuan dagiti pasilidad ti sangay ken dagiti remote translation office

  dagiti teokratiko nga eskuelaan

  dagiti adda iti espesial nga amin-tiempo a panagserbi

  panangsaranay kadagiti nadidigra

  panagimprenta, panagaramid kadagiti video ken publikasion a mausar iti gadyet

• 

  DAGITI PAGGASTUAN TI KONGREGASION

  paggastuan ti kongregasion, kas iti pagbayad iti koriente ken danum ken pannakamantener ti Kingdom Hall

  aniaman a resolusion a pinagnunumuan ti kongregasion a maipatulod a pondo iti sanga nga opisina para iti:

  • pannakaibangon dagiti Kingdom Hall ken Assembly Hall iti intero a lubong

  • Global Assistance Arrangement

  • dadduma pay nga aktibidad iti intero a lubong

DAGITI KOMBENSION KEN ASAMBLEA

Dagiti donasion iti rehional a kombensionyo ket maipatulod para iti sangalubongan a trabaho. Dagiti met mausar a pondo para iti rehional, espesial, ken internasional a kombension ket aggapu iti sangalubongan a trabaho.

Dagiti donasion iti maysa a sirkito ket mausar a pagabang, magastos bayat ti asamblea, ken pangmantener kadagiti pagasambleaan ken dadduma pay a paggastuan ti sirkito. Dagiti di nausar a pondo ket mabalin nga ikeddeng ti sirkito nga idonar para iti sangalubongan a trabaho dagiti Saksi ni Jehova.