AGBALIN A MAS EPEKTIBO ITI MINISTERIO | NAYONAM TI RAGSAKMO ITI MINISTERIO
Sigaganaygay a Mangisuro
Makaakar ti kinaganaygay. Maalam ti atension dagiti kasarsaritam. Ipakpakitatayo met nga importante kadatayo ti mensahetayo. Uray ania ti kultura wenno personalidadtayo, maparang-aytayo ti kinaganaygay. (Ro 12:11) Kasano?
Umuna, panunotem ti kinapateg ti mensahem. Pribilehiom nga ‘idanon ti naimbag a damag maipapan iti nasayaat a bambanag!’ (Ro 10:15) Maikadua, panunotem ti epekto ti naimbag a damag kadagiti makasaritam. Talaga a kasapulanda a mangngeg dagiti ibagam. (Ro 10:13, 14) Maudi, nabiag koma ti panagsaom, natural ti panagkompasmo, ken pudpudno ti ekspresion ti rupam.
BUYAEN TI VIDEO A PADASEM TI RAGSAK NGA IYEG TI PANAGARAMID ITI ADALAN—PARANG-AYEM DAGITI ABILIDADMO—SIGAGANAYGAY A MANGISURO, SA SUNGBATAN DAGITOY:
Ania ti nangapektar iti kinaganaygay ni Neeta a mangyadal ken Jade?
Ania ti nakatulong ken Neeta tapno maisublina ti kinaganaygayna?
Makaakar ti kinaganaygay
Apay nga agpokustayo kadagiti positibo a kababalin dagiti kasarsaritatayo?
Ania ti epekto ti kinaganaygaytayo kadagiti iyad-adalantayo ken iti dadduma?