Usaren iti Ministerio ti Agbiagka a Naragsak iti Agnanayon!

Maragsakantayo ta adda baro a broshur ken libro nga usarentayo a mangyadal iti Biblia! Ikararagtayo a bendisionan koma ni Jehova ti panangikagumaantayo nga agaramid iti ad-adu nga adalan. (Mt 28:18-20; 1Co 3:6-9) Kasanotayo nga usaren dagitoy a baro nga alikamen?

Usaren ti Agbiagka a Naragsak iti Agnanayon! iti pamay-an nga aktibo a makipartisipar ti mayad-adalan iti Biblia. Gapu ta baro a pamay-an daytoy ti panangisuro, surotem dagitoy no agsagsaganaka ken no mangyad-adalka iti Biblia.a

• Basaen ti material, ken pagsaritaan dagiti saludsod

• Basaen dagiti teksto a “basaen,” ken tulongan ti mayad-adalan tapno maawatanna ti aplikasionna

• Ipabuya ken pagsaritaan dagiti video, nga usaren dagiti naited a saludsod

• Ikagumaan nga ileppas nga adalen ti maysa a leksion iti tunggal panagadal

Iti ministerio, usaren nga umuna ti broshur tapno maammuan no interesado a talaga ti maysa a tao. (Kitaen ti kahon a “No Kasano nga Iyopreser iti Damo a Pannakisarita ti Broshur nga Agbiagka a Naragsak iti Agnanayon!”) No malpasyon a mapagadalan ti broshur ken kayat ti mayad-adalan nga ituloy, iyopreser ti libro ken irugi iti leksion 04. No adda madama nga iyad-adalam iti libro nga Isuro ti Biblia wenno iti libro nga Agtalinaed iti Ayat ti Dios, iyakarmo iti libro nga Agbiagka a Naragsak iti Agnanayon! ken panunotem no pangrugianyo.

BUYAEN TI VIDEO A WELCOME ITI PANAGADALMO ITI BIBLIA, SA SUNGBATAN DAGITOY:

• Ania ti masursuro dagiti mayad-adalan iti baro a libro?

• Apay nga ipabuyam daytoy a video kadagiti baro a mayad-adalan?

• Ania dagiti banag nga iparegtam iti mayad-adalan a padasenna a gaw-aten? ​—Kitaen ti tsart a “Dagiti Pagpokusan ken Padasen iti Kada Seksion”