Gubat—Ti Aramidento ti Pagarian ti Dios

Iti intero a lubong, dagiti gubat ket agtultuloy a mangpatpataud iti rigat ken panagsagaba. Kitaem dagitoy a report:

• “Idi napalabas a tawen, nairekord ti kaaduan pay laeng a bilang dagiti natay gapu iti gubat iti uneg ti 28 a tawen, a kaaduanna ket gapu iti gubat iti Ethiopia ken Ukraine.”—Peace Research Institute Oslo, Hunio 7, 2023.

• “Ti gubat idiay Ukraine ket maysa laeng kadagiti tension a kimmaro idi 2022. Iti dayta a tawen, ngimmato iti 27% ti kinaranggas iti politika iti intero a lubong. Natantia nga adda 1.7 a bilion a tattao a naapektaran iti dayta.”—The Armed Conflict Location & Event Data Project (ACLED), Pebrero 8, 2023.

Mangipaay ti Biblia iti namnama. Ibagana a “mangipasdekto ti Dios ti langit iti maysa a pagarian a saanto pulos a madadael.” (Daniel 2:44) Iti panangituray dayta a Pagarian, wenno gobierno, ‘pagsardengento ti Dios dagiti gubat iti intero a daga.’—Salmo 46:9.