Kapilitan Kadi nga Agbalinak a Saksi ni Jehova no Makipagadalak iti Biblia Kadakuada?
Saanka nga obligado a mangaramid iti dayta. Minilion ti maragragsakan a makipagadal iti Biblia kadakami uray saanda nga agbalin a Saksi ni Jehova.a Ti rason nga isursuromi ti maipapan iti Biblia ket tapno maammuam ti linaonna. Adda kenka no iyaplikarmo ti nasursurom. Bigbigenmi a desision ti maysa no ania ti patienna.—Josue 24:15.
Mabalinko kadi nga usaren ti Bibliak no agadalkami?
Wen. Maragragsakankami a mangusar iti Baro a Lubong a Patarus ti Nasantuan a Kasuratan ken mabalin nga ikkandaka iti libre a kukuam. Ngem maragsakankami latta no usarem ti Bibliam. Maammuam ti mensahe ti Biblia maipapan iti namnama ken pannakaisalakan iti dandani amin a patarus ti Biblia.
Apay nga iyadalanyo dagiti tattao a saan met a makikadkadua iti relihionyo?
Ti kangrunaan a rason ket ay-ayatenmi ti Dios a ni Apo Jehova. Kayatna nga isuro dagiti Kristiano iti dadduma ti nasursuroda. (Mateo 22:37, 38; 28:19, 20) Ammomi a ti kadakkelan a pribilehio ket ti panagbalin a ‘katrabahuan ti Dios’ babaen ti panangtulong kadagiti tattao a mangammo iti isursuro ti Saona.—1 Corinto 3:6-9.
Ar-aramidenmi pay dayta gapu iti ayatmi kadagiti tattao. (Mateo 22:39) Maragragsakankami a mangipakaammo iti dadduma kadagiti nagsayaat a nasursuromi.—Aramid 20:35.
a Tapno maammuam ti maipapan iti bilang ti panangyadalmi iti Biblia, idi ???, adda ??? a panangyadal iti Biblia nga inaramidmi iti kada bulan. Adu kadagitoy ti saan laeng a maymaysa ti karaman iti panagadal. Ngem ??? laeng ti nagbalin a Saksi ni Jehova iti dayta a tawen.