FEATURE
Dagiti Panagdaliasat ni Abraham
INTERESADOTAYO unay ita iti biag ni Abraham. Apay? Agsipud ta isu ti nagkunaan ni Jehova: “Amin a pampamilia iti daga pudno unay a bendisionandanto ti bagbagida babaen kenka.” Nupay kasta, tapno matagiragsak ni Abraham dayta nga akem iti panggep ti Dios, masapul a paneknekanna nga isu ket tao nga addaan pammati ken natulnog iti Dios.—Ge 12:1-3; Ara 7:2, 3.
Nairaman ditoy ti panangpanawna iti pagtaenganna ken kakabagianna idiay narang-ay nga Ur, a saanen nga agsubli. Babaen ti pannagna ken panagusar iti kadaanan a pagluganan, nagdaliasat iti agarup 960 km (600 mi) a nagturong idiay Haran. Idi Nisan 14, 1943 K.K.P., binallasiwna ti Karayan Eufrates ket nagpaabagatan. Kamaudiananna, dimteng iti sentro ti Canaan kalpasan ti panagbaniaga nga agdagup iti agarup 1,650 km (1,025 mi).
Iti tiempo nga intuding ni Jehova, iti tengnga dagiti kaputotan ni Abraham, ti Dios pinasamakna a ti mismo nga Anakna manipud langit, ni Jesus, mayanak kas maysa a tao. Babaen ken Jesus, napagbalin a posible maipaay kadatayo ti bendision a biag nga agnanayon.
MAPA: Abraham
Ti Karayan Eufrates. Binallasiw ni Abraham ti karayan nalabit iti abagatan daytoy iti asideg ti Carquemis
Makinngato a Galilea; ti daga a nakita ni Abraham idi nagpaabagatan nga agturong iti Siquem
Bantay Gerizim (kannigid) ken Bantay Ebal (kannawan) a tuman- tannawag iti Siquem. Iti daytoy a ginget, inkari ni Jehova ken Abraham: “Iti bin-im itdek daytoy a daga” (Ge 12:6, 7)
Ti Hebron iti agdama. Iti asideg ditoy, nangbangon ni Abraham iti altar a maipaay iti panagdaydayaw ken Jehova (Ge 13:18)