13. (a) Apay a kinadursok iti biang dagiti rebelde ti panangidatagda iti insienso ken Jehova? (b) Ania ti inaramid ni Jehova kadagiti rebelde?

¹³ Sigun iti Linteg ti Dios, dagiti laeng papadi ti mabalin nga agidatag iti insienso. Umanay koman a namagpanunot kadagidiay a rebelde ti banag nga awan karbengan dagiti saan a papadi a Levita nga agidatag iti insienso iti imatang ni Jehova. (Exodo 30:7; Numeros 4:16) Ngem saan a kasta ni Kore ken dagiti kakaduana! Iti sumuno nga aldaw, ‘inurnongna ti intero a gimong maibusor kada Moises ken Aaron iti pagserkan ti tolda ti gimong.’ Kuna kadatayo ti rekord: “Nagsao ita ni Jehova kada Moises ken Aaron, a kunkunana: ‘Isinayo ti bagbagiyo iti tengnga daytoy a gimong, tapno matalipuposko ida iti apagdarikmat.’” Ngem impakpakaasi da Moises ken Aaron a saan koma a mapapatay dagiti umili. Pinatgan ni Jehova ti dawatda. No maipapan ken ni Kore ken ti bunggoyna, “rimmuar ti apuy manipud ken Jehova ket inibusna ti dua gasut ket limapulo a lallaki a mangidatdaton iti insienso.”​—Numeros 16:19-22, 35.c