IYE-ABARIM

[Rebrebba dagiti Pagballasiwan; Rebrebba ti Pagbeddengan (Dagiti Rehion iti Ballasiw)].

Maysa kadagiti nagpakarsuan ti Israel idiay let-ang. Saan a masigurado ti eksakto nga ayanna, ngem nabatad nga adda iti makin-abagatan a beddeng ti Moab ken asideg iti naapres a ginget ti Zered. (Nu 21:11, 12; 33:44) Ti Iye-abarim ket nalabit isu idi ti kaabagatanan a disso iti rehion ti Abarim. (Nu 33:47, 48; kitaenyo ti ABARIM.) Kunaen ni Yohanan Aharoni nga isu dayta ti el-Medeiyineh nga adda iti pagballasiwan ti Waig Zered, agarup 60 km (37 mi) iti abagatan ti Dibon-gad, ti nailanad kas simmaruno a nagpakarsuan ti Israel.​—The Land of the Bible, 1979, p. 202, 436.