Teksto iti Tawen 2013

Idi 1473 B.C.E., nakasaganan a sumrek dagiti Israelita iti Naikari a Daga ngem adda dagiti nabileg a kabusor a pakaipasanguanda. “Bumilegka ken pumigsaka,” kuna ti Dios ken ni Josue. Agballigi ni Josue no agtalinaed a matalek. Naibaga kenkuana: “Dika mapakigtotan wenno agkullayaw, ta ni Jehova a Diosmo adda kenka iti sadinoman a papanam.” Ket talaga nga adda kenkuana ti Dios ta innem laeng a tawen a pinarmek dagiti Israelita dagiti kabusorda.​—Jos. 1:7-9.

Dandani metten sumrek dagiti pudno a Kristiano iti naikari a baro a lubong isu a masapul a bumileg ken pumigsada. Kas ken Josue, maipaspasangotayo kadagiti nabileg a kabusor a mangikagkagumaan a mangdadael iti kinatarnawtayo. Makilablabantayo, saan a babaen iti pika wenno kampilan, no di ket babaen kadagiti naespirituan nga armas, ken sinanaynatayo ni Jehova a mangusar kadagita a sisisigo. Aniaman ti mabalin a pakaipasanguam, manamnamam a no bumileg, pumigsa, ken agmatalekka, adda kenka ni Jehova ket pagballigiennaka.