BAALA

[Disso ti Apo-a-Babai].

1. Maysa a siudad iti makin-amianan a beddeng ti Juda, naawagan met iti Kiriat-baal ngem ad-adda a pagaammo kas Kiriat-jearim. Nupay saan a sigurado, naikuna nga isu dayta ti Deir el-ʽAzar (Tel Qiryat Yeʽarim), agarup 13 km (8 mi) iti laud nga amianan-a-laud ti Jerusalem.​—Jos 15:9, 10, 60; 18:14; 1Cr 13:6; kitaenyo ti KIRIAT-JEARIM.

2. Maysa a bantay iti makin-amianan a laud a nagsulian ti Juda, iti nagbaetan dagiti ili ti Sikkeron ken Jabneel, a nangbukel iti maysa a paset ti makin-amianan a beddeng ti teritoria ti Juda. (Jos 15:11) Mabalin nga isu dayta ti turod ti Mughar iti mismo nga amianan ti naapres a ginget ti Sorec ken 3 km (a. 2 mi) iti daya nga abagatan-a-daya ti Jabneel (agdama a Yavne).

3. Maysa nga ili ti Juda nga adda iti rehion ti Negeb (Jos 15:29), nabatad a natukoy kas Bala iti Josue 19:3 ken Bilha iti 1 Cronicas 4:29. Idi agangay naituding dayta iti tribu ni Simeon kas naipasngat a siudad. Saan nga ammo ti espesipiko nga ayanna, ngem nabatad nga adda iti abagatan a daya ti Beer-seba.