NACON

[mabalin a, Sititibker a Naipasdek].

Sigun iti 2 Samuel 6:6, daytoy ti pagirikan a nakatayan ni Uzzah gapu iti panangtengngelna iti lakasa ti tulag. Ngem iti pumadpada a salaysay iti 1 Cronicas 13:9 nailanad ti “Kidon,” a nalabit mangipamatmat a ti maysa a mannurat dinakamatna ti nagan ti lugar idinto ta ti sabali dinakamatna ti makinkukua iti dayta a lugar, wenno mabalin a ti Nacon nasuktan iti Kidon wenno ti Kidon ti nasuktan iti Nacon.