COZEBA

[nalabit, Naulbod].

Disso idiay Juda a nagnaedan dagiti kaputotan ni Sela nga anak ni Juda. (1Cr 4:21, 22) Ibilang ti kaaduan nga eskolar a ti Cozeba isu met laeng ti Aczib (“Chezib” iti sumagmamano a bersion) a nadakamat iti Genesis 38:5 ken Josue 15:44. Gapu itoy, nupay saan a sigurado, naikuna nga isu ti Tell el-Beida (Horvat Lavnin), 5 km (3 mi) iti laud nga abagatan-a-laud ti Adullam. Nalawag a karaman ti lallaki ti Cozeba iti sasao nga “isuda dagiti agdamdamili.”​—1Cr 4:23; kitaenyo ti ACZIB Num. 1.