Addanto Napalalo a Panagragsak Gapu iti Baro a Langlangit ken Baro a Daga

Sigurado a matungpal ti kari ti Dios a pannakaisubli a nairekord iti Isaias kapitulo 65 ta imbaga dayta ni Jehova a kasla natungpalen.

Nangaramid ni Jehova iti baro a langlangit ken baro a daga ket saanen a maipalagip sadiay dagiti immuna a bambanag

65:17

Ania ti baro a langlangit?

• Maysa a baro a gobierno a mangyeg kadagiti nalinteg a kasasaad ditoy daga

• Naipasdek daytoy idi 1914 idi naitrono ni Kristo kas Ari ti Pagarian ti Dios

Ania ti baro a daga?

• Maysa a kagimongan dagiti tattao a naggapu iti amin a nasion, lengguahe, ken puli a maragsakan nga agpasakup iti panagturay ti baro a nailangitan a gobierno

Kasano a saanton a maipalagip dagiti immuna a bambanag?

• Awanton ti aniaman a pakaigapuan dagiti nagsaem a kapadasan—pisikal, mental, ken emosional a pakarigatan

• Naan-anayton a naragsak ti biag dagiti matalek a tattao ken maragragsakandanto a manglagip kadagiti napipintas a kapadasanda iti inaldaw