BEGKES TI BARUKONG

Sintas wenno barikes nga iyaruat ti nobia iti aldaw ti kasarna. Minarkaan dayta ti kasasaadna kas naasawaan a babai. Ni Jehova kas “asawa” iti Israel iladawanna ti basol ken nakaro a di panangikankano kenkuana ti Israel, a kunkunana: “Ti maysa a birhen malipatanna aya dagiti arkosna, ti maysa a nobia malipatanna aya dagiti begkes ti barukongna? Ket kaskasdi a ti bukodko nga ili​—nalipatandak kadagiti aldaw nga awanan bilang.” Ti Dios ti Israel isu koma ti katan-okan nga arkosna, ngem binaybay-anna ti Dios a maisukat iti sabali a didios.​—Jer 2:32; Isa 3:20; idiligyo ti Isa 49:18.