BALTAZAR

[manipud Akkadiano, kaipapananna ti “Salakniban ti Biag ti Ari”].

Ti Babiloniko a nagan a naited ken Daniel kalpasan a naidestiero idi 617 K.K.P.​—saan koma a pagarupen nga isu daytoy ni Belsazar. (Da 1:7) Daytoy a nagan ket nabatad a napaababa a porma ti maysa nga araraw ken Bel isu a kinuna ni Nabucodonosor a napili dayta “maitunos iti nagan ti diosko.” (Da 4:8; 5:12) Nabatad a ti panggep daytoy ket mapagbalin ni Daniel nga umili ti Babilonia ken maisina iti panagdaydayaw ken Jehova. Nupay kasta, dagiti taga Babilonia nagtultuloyda met a tinukoy iti naganna a Daniel.​—Da 4:18, 19; 5:12, 13; kitaenyo ti DANIEL Num. 2.