FEATURE

Imperio ti Medo-Persia

DAGITI Medo ken dagiti Persiano maulit-ulit a natukoyda iti Kasuratan gapu ta inannurotda ti maysa a pagannurotan iti panangpabus-oy iti relihion, a nagserbi a mangtungpal iti padto ti Biblia.

Impalubos ni Jehova a dagiti Judio ket kautibuen ti Babilonia, maysa a nasion a saan a nangluk-at kadagiti nakautibo a tattao. Kaskasdi, ti Dios impadtona met ti pannakaisubli dagiti Judio iti pagtaenganda a daga. (Jer 27:22; 30:3) Ti Medo-Persia, nga iti simboliko a pamay-an natukoy iti Biblia kas maysa nga oso (Da 7:5), sinerbianna ti panggep ni Jehova iti daytoy a banag.

Di nagbayag kalpasan ti pannakarba ti Babilonia, imbilin ti Persiano nga Ari Ciro a dagiti sigud a kautibo a Judio mabalinda ti agsubli iti pagtaenganda a daga ket bangonenda manen ti templo ni Jehova. (Esd 1:2-4) Idi agangay, binigbig ni Dario I daytoy a bilin. (Esd 6:1-11) Ni Ari Asuero (nabatad a ni Xerxes I), idi naipakaammo kenkuana ti pudno, nangpirma iti bilin a nangkeltay iti gandat a panangtalipupos kadagiti Judio. (Est 7:3–8:14) Idi 455 K.K.P., impaay ni Ari Artaxerxes Longimanus ti pammalubos ken Nehemias a bangonenna manen dagiti pader ti Jerusalem, a dayta ti rugi ti naimpadtuan a panagbilang nga agturong iti panagparang ti Mesias.—Ne 2:3-8; Da 9:25.

[Mapa iti panid 327] — **MAPA:** Imperio ti Medo-Persia

[Ladawan iti panid 328] — Timmambukor a kitikit a mangipakpakita kadagiti Medo (nagtimbukel ti kallugongda) ken kadagiti Persiano (nagkarenken ti kallugongda)

[Ladawan iti panid 329] — Rebrebba ti kadaanan a Persepolis. Ditoy, da Dario I, Xerxes I, ken Artaxerxes Longimanus nagibangonda kadagiti palasio

[Ladawan iti panid 330] — Dagiti panagkabakab iti disso ti kadaanan nga ili idiay Susan

[Dagiti ladawan iti panid 330] — Dagiti ladawan a gagangay a nayarkos iti siled a pagdenggan ti palasio idiay Susan

[Ladawan iti panid 331] — Da Mardokeo ken Ester iti saklang ni Ari Asuero (nabatad a ni Xerxes I)