KULONGAN

Bassit a koral ti an-animal. (Sof 2:6; kitaenyo ti PAKAYAPONAN DAGITI KARNERO.) Iti padto ni Mikias, ti naummong manen ken napagkaykaysa nga Israel nayasping iti “maysa nga arban iti kulongan.” (Mik 2:12, NW; Le) Ditoy, ti Masoretiko a teksto aramatenna ti Hebreo a sao a bots·rahʹ, nga iti sabali pay a paset naipatarus kas “Bozra,” ti nagan ti maysa a siudad ti Edom ken maysa a siudad ti Moab. Nupay kasta, maigapu iti estilo ti sasao ti Mikias 2:12, pagarupen ti sumagmamano nga eskolar a ti bots·rahʹ kaipapananna met ti “kulongan” wenno “pagyaponan.” (JP, Mo) No masabalian bassit ti panagimarka iti bokales, umar-arngi dayta iti Arabiko a sirat (kulongan).