ABIUD

[mabalin a, Ni Ama ket Dayaw].

Ti napagbalin a Griego wenno napagbalin nga Iloko a porma ti Hebreo a nagan nga Abihud. Maysa a kaputotan ni Zorobabel ken inapo ni Kristo Jesus. (Mt 1:13) Ti termino nga “ama” nga inusar ni Mateo mabalin nga addaan iti kaipapanan nga “inapo.” Kunaen ti sumagmamano nga eskolar a mabalin nga isu met laeng ni “Joda” iti Lucas 3:26. Nupay kasta, saan a mabalin a kunaen a maymaysa a tao dagitoy, ta dagiti linia ti kapuonan nga impaay da Mateo ken Lucas ket kaaspingda laeng, saan nga agpada, idinto ta dagidiay nailanad iti Umuna a Cronicas ket ad-adda a detalyado. Ti anak ni Abiud a ni Eliakim ket nairaman met iti linia ti kapuonan ti Mesias.​—Mt 1:13.