SICAR

Maysa a siudad iti Samaria ken ayan ti bubon ni Jacob. Adda dayta iti “asideg ti talon nga inted ni Jacob ken Jose nga anakna” iti aglikmut ti Siquem. (Jn 4:5, 6; idiligyo ti Jos 24:32.) “Sichem” imbes a “Sicar” ti naaramat iti Syriac Sinaitic a codex. Nupay kasta, dagiti kasayaatan a Griego a manuskrito suportaranda ti pannakaaramat ti “Sicar.” Ti sumagmamano a nagkauna a mannurat (saan nga iti Biblia) pagdumaenda ti Siquem ken Sicar; nupay pagpadaen dayta ti dadduma. Gapu kadagiti panagkabakab iti kallabes a tiempo, impapan ti dadduma a ti Sicar ket isu ti purok ti ʽAskar, 0.7 km (0.4 mi) iti amianan nga amianan-a-daya ti bubon ni Jacob ken agarup 1 km (0.6 mi) iti amianan a daya ti Siquem.