FEATURE
Ti Ministerio ni Apostol Pablo
NI Pablo, kas apostol iti nasnasion a dinutokan ni Jesus, sireregta nga intungpalna ti annongenna. (Ro 11:13) Iti umuna a panagdaliasatna kas misionero, nagturong idiay Chipre ken Asia Menor. Napagtalaw manipud kadagiti siudad babaen kadagiti makaung-unget a managderraaw, a naub-ubor pay ken naiwalang ta naipagarup a natayen. Ngem nagsubli latta tapno pabilgenna dagidiay nagbalin nga adalan.
Iti maikadua a panagdaliasatna, nakadanon idiay Macedonia ken Grecia. Ditoy a nangasaba iti Areopago idiay Atenas, kas nailadawan iti baba.
Iti maikatlo a panagdaliasat ni Pablo, nangasaba iti agarup tallo a tawen idiay Efeso, maysa a nagsasapalan ti daldalan iti lubong ti Roma. Kalpasanna, napan idiay Macedonia ken Grecia tapno pabilgenna dagiti kongregasion nga adda sadiay.
Bayat a sibabalud iti sidong ti gobierno ti Roma, ginundawayan ni Pablo nga inaramid ti naipaltiing a sursurat a paset itan ti Biblia.
MAPA: Umuna a Panagdaliasat ni Pablo kas Misionero
MAPA: Maikadua a Panagdaliasat ni Pablo kas Misionero
MAPA: Maikatlo a Panagdaliasat ni Pablo kas Misionero
Damasco, ti kalsada a maawagan Nalinteg. Kalpasan a nakomberte, ti nabulsek a ni Saulo nakibin a naipan iti maysa a pagtaengan nga adda iti daytoy a kalsada (Ara 9:3-16)
Teatro idiay Efeso a nakapasamakan ti panagderraaw dagiti managdaydayaw ken Artemis (estatua iti kannigid) kas panagprotestada iti ministerio ni Pablo (Ara 19:29-41)
Rebrebba ti Antioquia sadi Pisidia. Kalpasan ti epektibo a panangasaba ni Pablo iti sinagoga ditoy, napagtalaw iti siudad babaen kadagiti makaung-unget a managderraaw (Ara 13:14-50)
Ti maibilang a lugar a nakaibaludan ni Pablo idiay Filipos. Napangpang-or ken naibalud ni Pablo iti daytoy a siudad, ngem nagbalin a Kristiano ti agay-aywan iti pagbaludan ken ti sangakabbalayanna (Ara 16:19-34)
Pader ti kadaanan a Tesalonica. Kalpasan a nakirinnason ni Pablo manipud iti Kasuratan kadagiti taga Tesalonica, dagiti makaung-unget a tattao pinagderraawda ti intero a siudad (Ara 17:1-9)
Rebrebba ti kadaanan a Corinto (baba), agraman ti Acrocorinto iti likudan. Inkagumaan a patibkeren ni Pablo dagiti Kristiano ditoy Corinto tapno saanda a maimpluensiaan iti imoral a wagas ti panagbiag a nanglikmut kadakuada
Acropolis ti Atenas kas langana itan (kannawan). Ti makitkita a patakder isu ti Areopago, a nagpalawagan ni Pablo
MAPA: Panagdaliasat ni Pablo nga Agpa-Roma
Nabantayan ni Pablo iti maysa a balay idiay Roma iti dua a tawen; bayat dayta a tiempo, inaramidna ti lima a naipaltiing a surat kadagiti padana a Kristiano