TUGAW ITI PANANGUKOM

Gagangay a naipangato a plataporma nga adda iti ruar, addaan kadagiti tukad a mabalin nga umasitgan iti dayta, a dagiti opisial a nakatugaw iti dayta ket mabalinanda ti agsao kadagiti bunggoy ken mangipakaammo kadagiti pangngeddengda. (Mt 27:19; Jn 19:13; Ara 12:21; 25:6, 10, 17) Ti impagarup ti sumagmamano kas ti tugaw iti panangukom (naawagan Bema) nga adda idiay Corinto, a sadiay a dimmatag ni Pablo iti saklang ni Galion, ket naaramid iti puraw ken asul a marmol. (Ara 18:1, 12, 16, 17) Iti sibay dayta, adda dua a siled a pagurayan nga addaan kadagiti mosaiko a suelo ken marmol a bangko.

Ti isuamin a panangukom ket impabiang ni Jehova a Dios iti Anakna (Jn 5:22, 27), ngarud masapul nga amin ket dumatag iti sanguanan ‘ti tugaw iti panangukom ni Kristo.’ (2Co 5:10) Mayanatup a maawagan met daytoy iti “tugaw iti panangukom ti Dios,” ta ni Jehova ti Namunganay iti dayta nga urnos ken mangukom babaen iti Anakna.​—Ro 14:10.