Ti Rebbengentayo a Tumulong

8:1-4; 9:7

Iti ministeriotayo a Kristiano, adda dua a rebbengentayo​—ti “ministerio ti pannakikappia” wenno ti trabaho a panangasaba ken panangisuro, ken ti ‘panangtulong’ kadagiti kapammatiantayo. (2Co 5:18-20; 8:4) No kasta, ti panangtulong kadagiti agkasapulan a Kristiano ket paset ti sagrado a panagserbitayo. No aramidentayo dayta,

• mangipapaaytayo a siwawadwad para kadagiti kasapulan dagiti kakabsattayo.​—2Co 9:12a

• tultulongantayo dagiti agsagsagaba tapno maaramidda manen dagiti aktibidad a mangpabileg iti pammatida, a pakairamanan ti naregta a panangasaba kas ebkas ti panagyamanda ken Jehova.​—2Co 9:12b

• maidaydayawtayo ni Jehova. (2Co 9:13) Ti panangtulong kadagiti nadidigra ket maysa a pamay-an tapno makasabaan ti amin, a pakairamanan dagidiay saan a nasayaat ti makunkunada kadagiti Saksi ni Jehova