Ni Jehova ti Kamangtayo

1. Kamangtay ni Jehova,

’Sut’ intay pagtalkan.

Anniniwannat’ linong;

Intay pagtaklinan.

Isu ti pagpannurayan,

Ket dinatayto baybay-an.

Ni Jehovat’ salindeg,

Kamang dagiti nalinteg.

2. Uray pay no rinibut’

Matuang ’ta sibaymo,

Ti amin a nasungdo

Dinto maan-ano.

Awan rumbeng a pagbutngam;

Saankanto a madangran.

Makitamtot’ didigra,

Ngem ti Dios aywanannaka.

3. Ti silo ti kabusor

Ket maliklikamto,

Yantangay ni Jehova

Isut’ salaknibmo.

Ti leon dikanto kabuteng;

Payatemtot’ karasaen.

Kamangtay ni Jehova,

Salaknibannat’ ilina.