Panagdedikar kas Kristiano

1. Inaramid ni Jehova

Ti sangaparsuaan.

Langit, daga ket kukuana;

Isu ti nangparsua.

Ti biag naggubuay kenkuana

Ket impakitana

Nga isut’ rumbeng a pagserbian

Ken intay pagdayawan.

2. Anak ti Dios napan Jordan

Ket nabautisaran.

Inyebkasna ken Amana

Ti panagtulnogna:

‘Pagayatam aramidek.

Bilinmo tungpalek.’

Kas Mesias, isut’ dedikado,

Natulnog, ken napudno.

3. Agdedikarkam, Jehova.

Agdayawkam kenka.

Bagimit’ dimin ’yun-una;

Sikat’ ipangruna.

Ni Kristo ket impaaymo;

Biagmit’ sinubbotmo.

Matay man wenno agbiagkami,

Sika lat’ pagserbianmi.