Agbalinkayo a Nasantuan iti Amin a Konduktayo
1 Ti kinasantuan isut’ maysa a kasapulan dagiti adipen ti Dios kadagitoy nga aldaw. Gapuna a masapul a maawatan no ania ti kinasantuan ken no kasano ken apay met a nasken daytoy iti panagdayawtayo ken Jehova. Maigapu iti daytoy, ti “Agbalinkayo a Nasantuan iti Amin nga Konduktayo” isut’ tema iti espesial nga aldaw ti asamblea a programa a mangrugi inton Marso, 1991.—1 Ped. 1:15.
2 Idinto ta dagiti linteg ni Jehova ket namunganayda kenkuana kas Nasantuan a Dios, ti nalinteg a takdertayo iti saklangna isut’ direkta a resulta ti personal a relasiontayo kenkuana. Pagtinnaganna, ti programa isut’ mangipakita iti nagduduma a wagas no kasano a mapasayaat iti relasiontayo iti Dios. Ramanenna dagitoy iti panagtulnogtayo kadagiti nasantuan a pagalagadanna, uray pay dagiti babassit a bambanag. (Luk. 16:10) Matulongantayo a mangkultibar iti napaspasnek a panangipateg kadagiti reglamento ni Jehova ken no kasano a dagitoy ket makaimpluensia iti amin a pampanunot, kababalin, ken wagastayo.
3 Dagiti dua a prinsipal a palawag a maputar isu dagitoy “Panagpasakop iti Naprogreso a Pannakadalus” ken “Panangpalawa iti Aktibidad Dagiti Nasantuan a Tattao ni Jehova.” Bayat a dagiti nakaskasdaaw a pasamak ditoy lubong ket igunamgunamda iti kinaganat ti tiempo, ti programa iti espesial nga aldaw ti asamblea isut’ mangdagdag kadatayo nga agtultuloy iti nasantuan a konduktatayo, tapno ti kasta ket makaay-ayotayo unay ken Jehova.—1 Ped. 1:14, 16.