Naanus ken Naan-anaykayo Koma iti Ministerio
1 Naanus ken naan-anay ni apostol Pablo iti panangikasaba ti naimbag a damag. Imbagana kadagiti manangaywan idiay Efeso: “Saanko nga inaramid ti kararuak iti aniaman a banag a kas napateg unay kaniak, no laket ta mairingpasko ti kursok ken iti ministerio nga inawatko ken Apo Jesus, a paneknekak a naan-anay iti naimbag a damag.” (Ara. 20:24) Mariknatayo kadi ti panagkasapulan a naipabaklay kadatayo a mangaramid met iti dayta?—1 Cor. 9:16.
KADAGITI MASANSAN A MATRABAHO A TERITORIA
2 Ti panaganus isut’ nangruna a kasapulan no ti teritoria ket masansan a matrabaho. Agpapan pay limitado iti teritoria masapul a matignaytayo iti maulit-ulit nga ipapan. Ikagumaan a saraken dagiti amin nga agnanaed iti pagtaengan.
3 No ti teritoriatayo ket kanayon a matrabaho, maam-ammotayo a personal dagiti bumalay. Daytoy ti mamagrikna kadakuada a komportable no luktanda iti ruangan. Adda dagiti ekselente a singasing iti Panakirinnason a libro a mabalintayo nga usaren tapno mapagduduma dagiti introduksiontayo kadagiti masansan a mawanas a teritoriatayo.—Kitaenyo ti Panakirinnason, pinanid 9-15.
4 Mabalin a masabettayo dagiti tattao, a bayat a mangipakitada iti interes, saanda nga awaten dagiti literaturatayo. Kasano ti panagtignaytayo? Masapul a naan-anaytayo a mangpadas a mangpatanor ti interesda. Ti panangkultibar iti nalpasen a naimula kadagiti pusoda ti mabalin a mangituggod kadakuada nga umawat iti panagadal ti Biblia iti kamaudiananna. Maysa a kabsat a lalaki ti simmarungkar iti maysa nga interesado a bumalay iti nagsasaruno a lima a lawas nga awan a pulos ti naipaimana a literatura. Ngem iti maikanem a bisitana, ti bumalay ket inawatnan ti literatura, ket ti nagtinnaganna nairugi iti panagadal ti Biblia.
PANANGITUKON ITI BROSHUR
5 Bayat ti Agosto itultuloytayo nga usaren iti Topiko a Pagsasaritaan nga “Agur-uray Kadatayo iti Nasaysayaat a Kasasaad.” Daytoy a topiko ti nalaka unay a mausar no itukontayo iti maysa kadagiti broshur.
6 Kas ehemplo, mabalintayo a kunaen: “Ania ti pagarupyo maipapan iti kari ti tao a mangyeg iti sangalubongan a talna? [Palubosan a sumungbat.] Kadagiti naglabas a siglo, pinatalgedan ti tao a saanna a kabaelan nga iturayan iti bagbagina. Nupay kasta, timudenyo iti mapagtalkan a kari ti Dios. [Mabasa ti 2 Pedro 3:13.] Ken kitaenyo ti kasasaadto iti dayta a tiempo. [Mabasa ti Apocalipsis 21:4.]” Kalpasanna, no aramatentayo daydiay “Adtoy!” a broshur, mabalintayo nga iturong ti asikaso daydiay bumalay iti panid 30, parapo 58. Idiay Gobierno a broshur, mabalintayo nga ilawlawag iti umuna a parapo idiay panid 3. Ti ladawan a nailanad iti abbong ti Biag Ditoy Daga a broshur isut’ maitutop iti Topiko a Pagsasaritaan. Ti maikatlo a parapo idiay panid 31 iti Nasantuan a Nagan a broshur ket mabalin met nga usaren.
7 Siaanus ken an-anayentayo a saknapan iti teritoriatayo babaen ti naimbag a damag nga agresulta iti pannakaisalakan dagidiay a dumngeg kadatayo.—1 Tim. 4:16.