Kanta 132

Saluadam ta Pusom

(Proverbio 4:23)

1. Tapno magun-od gunggona,

Ti pusot’ saluadan.

Saonat’ intay ipangag,

Ket ditay lipatan

A ti naimbag ng’aramid

Isip ti nangbuangay.

Naynaytay ngad a saluadan,

Isip, Nakristianuan.

2. Ti mangpabileg ta pusom

’Sut’ panagkararag.

Aniaman a kasapulam,

Dios, pangyararawam.

Tapno nalinteg ti dalan

Naynay met ng’agadal,

Sansanem makitimpuyog

Iti kapammatian.

3. Kanayon a panunotem

Bambanag a pudno,

Nadayaw ken ti nadalus

Ken makaay-ayo.

No dagitoy ti utobem

Masaluadan pusom,

Ma’ddaanka pay namnamat’

Biag nga agnanayon.