Maysa a Baro a Tawen iti Serbisio
1 Mangrugi iti Setiembre ti 1992 a tawen iti serbisio. Bayat a taliawentayo iti 1991 a tawen ti serbisio a kangudngudona laeng, agragsaktayo kadagiti bendision ni Jehova. Rinibo dagiti nabautisaran, ken adda nagsayaat a panagadu iti bilang dagiti agibumbunannag ken panagadal ti Biblia. Pudno kadi daytoy dita kongregasionyo?
2 Ngem ita tiemponan a kumitatayo iti masanguanan ken ikeddengtayo dagiti kalat iti umay a tawen. Kalpasan a namatmatan iti report idi napan a tawen, patienmi a dagiti sumaruno a tallo a kalat ket maitutopda unay a ragpatentayo: (1) Parang-ayen ti regularidad iti serbisio, a kaipapananna ti linawas a serbisio. Ramanenna met ti regular a panagreport iti serbisio ti tay-ak iti kada bulan. (2) Tunggal agibumbunannag mangidaulo iti panagadal ti Biblia iti pagtaengan. Kurang a 25% kadagiti agibumbunannag ti kongregasion iti mangidadaulo ti panagadal iti agdama. Apay a dikay aramiden a kas personal a kalat ti mangirugi iti maysa bayat daytoy a tawen? (3) Paaduenyo ti oras a mausaryo iti tay-ak ti serbisio. No mabalin, ikagumaanyo ti agserbi nga auxiliary payunir iti uray maminsan ti makatawen.
3 Sapay koma ta bendisionankayo ni Jehova bayat nga iplanoyo itan iti mas nawadwad a pannakiraman iti trabaho las-ud ti 1992 a tawen iti serbisio.