Kanta 133
Panangimulat’ Bin-i ti Pagarian
1. Umaykay ng’adipen Dios a Kangatuan,
A nangipaay pusoyo.
Aramidenyo ti naited nga annong;
Suroten danat’ Maestro.
Bin-it’ kinapudno inkay isaknap
Iti nadam-eg a daga.
Naimbagtot’ bungana no la ketdi
Mapagtalkanka a nagmula.
2. Pudno a daddumat’ matnag ’diay dalan,
Tuktoken ti tumatayab,
Daddumat’ maimula iti kabatuan,
’Ton mabusor malaylaydan.
Dandanag ken agum kasdala siit
Bunobon inda leppesen.
Ngem addanto met laeng maimula
’Diay nadam-eg ken namayengmeng.
3. Ti kawadwad maimulam ’diay nadam-eg
Masansan a sikat’ yanna.
No naanuska kabusor malapdan,
Suot inka maatipa.
Siit maiwaksim no alibtakka,
Si’emma, dika tumulok.
Ket siinanamaka nga agapit
Tallopulo wenno ginasut.