Kanta 65

Aggigimong a Sangsangkatunos

(Salmo 133)

1. Kakabsat, naka’y-ayo

Inda agtutunos,

Pudnot’ ayan-ayatda,

Addaandat’ urnos!

Ti bendision ni Jehova;

Kas linnaaw Hermon

Nga ’garuyot ’diay Bantay Sion

A mangpatarubong.

2. Intay agtataripnong;

Agpipinnaregta,

Ipaduyakyaktay met

Pudno a namnama.

Panagsagana ’ti gimong

Intay ganetgetan,

Tapno naynay makabalan

Ket pudnot’ mairaman.

3. Matalek ni Jehova;

Saonat’ natalged.

No aggiinnadaltay

Namnamat’ bumileg.

Di bay-an makitimpuyog

Kakabsat a patgen.

Nangruna ta makitatay

Aldaw asidegen.