Kanta 79

Ipalgak ti Sangaparsuaan ti Dayag ni Jehova

(Salmo 19)

1. O Jehova, ammo toy kararuak,

Langlangit indakay ’paduyakyak.

Rabii ken aldaw agsaoda

Pannaka’mmo itdendat’ naemma.

Rabii ken aldaw agsaoda

Pannaka’mmo itdendat’ naemma.

2. Pinarsuam init, bulan, bitbituen,

Ket ti taaw sika ti nangbangen.

Ti gapuanam, tao matmatanna

Kas Daydiay Rumbeng, dayawennaka.

Ti gapuanam, tao matmatanna

Kas Daydiay Rumbeng, dayawennaka.

3. Linlintegmot’ perpekto ken pudno.

Pammalagip, bilbilin intedmo.

Pagsiriben, gugorandakami.

O naynayda salimetmetanmi!

Pagsiriben, gugorandakami.

O naynayda salimetmetanmi!