Dagiti Introduksion a Mangallukoy ti Interes
1 Nalaing ni Jesus a mangusar iti introduksion. Agsao man iti saklang ti dakkel a taripnong wenno iti maysa laeng a tao, maawis ni Jesus iti asikaso dagiti dumdumngeg kenkuana babaen ti panangiramanna kadakuada a mismo. Impakitana kadagiti managdengngegna iti pateg ti suhetona.—Mat. 5:3-12; Luc. 20:25-37; Juan 4:7-30.
2 Nasken ti Nasakbay a Panagsagana: Tapno maallukoy ti interes iti mensahetayo, kasapulan nga itutop ti introduksiontayo tapno iramanda dagiti tattao, maisinggalutda a maseknan, ken ipakita a ti damag iti Pagarian ti tumulong kadakuada a mismo.
3 No agsaganakayo a maipaay iti ministerio, repasuenyo dagiti masansan a pakaseknan dagiti tattao ti komunidad. Ania ti paginteresan dagiti agtutubo a tattao? Dagiti nataengan? Iti asawa a lalaki, asawa a babai, wenno nagannak? Imbes nga usaren iti isu met laeng nga introduksion ti kada ruangan, masansan nga epektibo no agsaganakayo iti nagduduma nga introduksion ken sisasaganakayo a mangihusto kadakuada bayat a mapaliiwyo ti sungbat dagiti bumalay. Daytoy ti mamagbalin a presko ken makapainteres iti iyaasidegyo.
4 Bayat iti bulan ti Pebrero, mabalinyo nga usaren iti panangiparang a kastoy babaen ti “Agbiag nga Agnanayon” a libro:
◼ “Naimbag a bigatyo. Makisarsaritakami kadagiti kaaruba maipapan ti kualidad a kayatda a makita iti maysa a tao a mangigobierno ti sabsabali. Mabalin kadi a maisaludsodko no ania a kualidad iti pagarupenyo a kaskenan? [Palubosan a sumungbat.] Ammoyo aya a nadeskribe iti Biblia dagiti kualipikasion ti Maysa a naanamongan a mangituray iti sangatauan? Adda ditoy Isaias 9:6, 7. [Mabasa.] Ania iti pagarupenyo a langa ti panagbiag iti sidong ti kastoy nga agturay?” Palubosan a sumungbat ket kalpasanna maiturong ti asikasona iti Agbiag nga Agnanayon a libro idiay pinanid 112 ken 113 kas pangpabara ti kanayonan a diskusion.
5 No makisaokayo kadagiti pamilia, ti sumaruno a presentasion isut’ mabalin nga agkurri no usaren iti Agbiag nga Agnanayon a libro.
Kalpasan ti lokal a pangablaaw, mabalinyo a kunaen:
◼ “Napaliiwyo kadi a dagiti inaldaw a pakasikoran ken problema ket idatagda iti pudno a karit kadagiti pamilia ita? [Palubosan a sumungbat.] Adda aya aniaman nga opinionyo a mabalin a pagkamangan dagiti pamilia a maipaay iti makasolbar a balakad? [Palubosan a sumungbat.] Kanayon nga iturongmi ti asikaso iti kunaen ti Biblia maipapan iti daytoy a suheto. Siputanyo no ania ti nakuna iti Namunganay ti panagasawa kadagiti immuna a natauan a pareha.” Basaen ti Genesis 1:28 ken kalpasanna maiturong idiay panid 238 iti Agbiag nga Agnanayon a libro ket maitultuloy ti diskusion, a mausar dagiti puntos manipud kapitulo 29.
6 Babaen ti panangtulad iti metodo ni Jesus a mangallukoy ti interes ken iraman dagiti dumdumngeg iti diskusion, maipakita kadagiti nasingpet ti panagpuspusoda a tattao iti pateg dagiti espiritual a bambanag.