KANTA 139
Inton Mapabaro ti Amin
1. Panunotem, siak ken sika,
Datay amin iti Paraiso.
Anian a makaay-ayo
Ta ti talna ket agarinto!
Kinadakes mapukawton;
Turay ni Jehova manayon.
Ti amin a banag ket pabaruenna.
Naimpusuan nga ikantatay dayawna:
(KORO)
“Agyamankami, Dios a Jehova,
Ta ni Kristo ket agturturayen!
Naimpusuan unay a kantaandaka.
Sika laeng ti maikari a dayawen.”
2. Darepdepem ti biagtayo
Inton ti lubong ket mapabaro.
Daytoy daga natalgedton;
Buteng wenno danag awanton.
Kari ti Dios matungpalen.
Bendisionna intay sagrapen.
Dagiti natay ket pagungarennan.
Makidanggayda kadatay nga agyaman:
(KORO)
“Agyamankami, Dios a Jehova,
Ta ni Kristo ket agturturayen!
Naimpusuan unay a kantaandaka.
Sika laeng ti maikari a dayawen.”
(Kitaem met ti Sal. 37:10, 11; Isa. 65:17; Juan 5:28; 2 Ped. 3:13.)