KANTA 8
Ni Jehova ti Pagkamangantayo
Nayimprenta nga Edision
(Salmo 91)
1. Kamangtay ni Jehova,
Isu ti pagtalkan
Ken intay paglinongan
Ken pagpannurayan.
Matalek ket aywananna,
Dinanto baybay-an ida.
Agkamangtay kenkuana.
Manamnamatay tulongna.
2. Uray pay no rinibu
Matuang ta sibaymo,
Ti amin a nalinteg
Dida maan-ano.
Awanto ti pagdanagam;
Saankanto a madangran.
Proteksion ipaayna
No agkamangka kenkuana.
3. Awanto ti pagbutngam
No Dios ti pagtalkam.
Iti silot’ kabusor,
Ilikliknakanto.
Kinatalged manamnamam
No Dios inka pagkamangan.
Salaknib ipaayna
No agkamangtay kenkuana.
(Kitaem met ti Sal. 97:10; 121:3, 5; Isa. 52:12.)