KANTA 95
Rumanraniag ti Lawag
Nayimprenta nga Edision
1. Sinegseggaan dagiti mammadto
Ti Kristo a mangyeg namnama.
Espiritu ti Dios ti nangipalgak
A Mesias ti mangisalakan.
Dimteng ti tiempo, naitrono ni Kristo.
Daytat’ makitkitatayo.
Dagiti anghel ken uray datayo
Maragsakan a makaammo.
(KORO)
Danatay ket rumanraniagen;
Kasla tengnga ti aldawen.
Ti Dios adut’ ipalpalgakna;
Danatay idaldalanna.
2. Babaen ti matalek nga adipen
Taraonannatay ti Apo.
Ti kinapudno ket lumawlawagen;
Salputennat’ isip ken puso.
Pannagnatayo ket nataltalgeden;
Danatay naranraniagen.
Agyamantayo unay ken Jehova.
Iti dalanna, intay magna.
(KORO)
Danatay ket rumanraniagen;
Kasla tengnga ti aldawen.
Ti Dios adut’ ipalpalgakna;
Danatay idaldalanna.
(Kitaem met ti Roma 8:22; 1 Cor. 2:10; 1 Ped. 1:12.)