KAHON 19B
Agbalin a Karayan ti Agtedtedted a Danum!
Sinurot ni Ezekiel ti agay-ayus a danum nga agtedtedted manipud iti santuario ni Jehova ken milagro a nagbalin nga adalem a karayan iti distansia a nasurok a maysa a kilometro! Kadagiti igid ti karayan, nakakita iti narukbos a kaykayo a makapasalun-at ken makaagas. Ania ti kaipapanan amin dagita?
Dagiti Bendision nga Iyeg ti Karayan
IDI UN-UNANA: Idi nakasublin dagiti naipanaw, nagayus dagiti bendision kadakuada bayat a nakipasetda iti pannakaisubli ti nadalus a panagdaydayaw iti templo
AGDAMA A TIEMPO: Idi 1919, naisubli ti nadalus a panagdaydayaw a nanglukat iti naisangsangayan a panagayus dagiti naespirituan a bendision kadagiti matalek nga agserserbi iti Dios
MASANGUANAN: Kalpasan ti Armagedon, agpadpada nga agayus dagiti pisikal ken naespirituan a bendision manipud ken Jehova
Danum a Mangted iti Biag
IDI UN-UNANA: Aglaplapusanan a bendision ti impaay ni Jehova iti natulnog nga ilina, immadu ti bilangda, ken rimmang-ayda iti naespirituan
AGDAMA A TIEMPO: Iti sumaysayaat a naespirituan a paraiso, umad-adu dagiti magunggonaan iti lumawlawa a panagayus ti naespirituan a bendision ni Jehova ken arigna napagbiagda iti naespirituan
MASANGUANAN: Agkakaduanto dagiti makalasat iti Armagedon ken ti minilion a mapagungar, ket aglaplapusananto dagiti bendision ni Jehova para iti amin
Kaykayo a Pagtaraon ken Makaagas
IDI UN-UNANA: Iti naespirituan a pamay-an, pakpakanen ni Jehova ti matalek nga ilina iti naisubli a dagada; pinaimbagna met ida iti nabayagen a sagsagabaenda a naespirituan a sakit
AGDAMA A TIEMPO: Ti adu nga abastotayo a naespirituan a taraon ti tumultulong kadagiti tattao a manglaban iti nasaknap a naespirituan a sakit ken bisin iti agdama a lubong
MASANGUANAN: Ni Kristo ken ti 144,000 a kaduana nga agturay tulongandanto ti amin a natulnog a tattao nga agbalin a perpekto, nasalun-at, ken nasaranta iti agnanayon!