BICAT-AVEN

[Ginget a Tanap ti Panangpasakit (Maysa a Banag a Makapasakit)].

Lugar wenno ginget a tanap a nainaig iti Damasco ken Bet-eden iti padto ni Jehova babaen ken Amos a mangipadpadto iti pannakaidestiero dagiti umili ti Siria. (Am 1:5) Gapu iti kaawan ti aniaman a rekord maipapan iti Sirio a siudad wenno ili a kasta ti naganna, ti sumagmamano nga eskolar inaigda ti Bicat-aven iti Ginget Beqaʽ iti nagbaetan ti Libano ken ti bambantay ti Anti-Libano. Nabatad a napasamak ti naipadto a pannakagessat dagiti agnanaed iti Bicat-aven kas imbunga ti panangparmek ti Asirio nga Ari Tiglat-pileser III iti Siria.​—2Ar 16:9, 10.