ISRAELITA

[Ken (Kukua ni) Israel].

Kaputotan ni Jacob, a ti naganna nasukatan iti Israel. (2Sm 17:25; Jn 1:47; Ro 11:1; kitaenyo ti ISRAEL Num. 1.) Maibatay iti konteksto, ti tukoyen ti pangadu a porma ti termino nga Israelita ket dagiti sumaganad: (1) Dagiti kameng ti amin a 12 a tribu sakbay a nabingay ti pagarian (1Sm 2:14; 13:20; 29:1); (2) dagidiay adda iti 10-tribu a makin-amianan a pagarian (1Ar 12:19; 2Ar 3:24); (3) dagiti di Levita a Judio a nagsubli manipud pannakaidestiero idiay Babilonia (1Cr 9:1, 2); (4) dagiti Judio idi umuna a siglo K.P.​—Ara 13:16; Ro 9:3, 4; 2Co 11:22.